من الملفت للنظر أن الطرق في مصر تنقصها الإرشادات الدقيقة. و هذه الإرشادات المفترض أنها من أجل الغريب و ليس لمن يعرف الطرق. و رغم هذا نجد أن الإرشادات غير واضحة على الإطلاق. مثلا الطريق الدائري يمكن أن يدور بك حول القاهرة إذا أخذته في الإتجاه المعاكس و لن تعرف الإتجاه الصحيح إلا بالتجربة و الخطأ و يمكن أيضا أن تسأل الناس سواء الواقفين على الطريق أو سائقي السيارات. الغريب أنه بعد الدخول إلى الطريق الدائري و بدون معرفة إن كان شرقا أم غربا يكون الجواب المعتاد على سؤالك غالبا ما يكون "و إنت إيه بس اللي جابك من هنا" و كأن المفروض أن الغريب يعرف الطريق بالحاسة السادسة. الغريب أيضا أن الناس كما لو كانوا متفقين مع بعض على هذا التساؤل. و في الغالب بعد إنت إيه بس اللي جابك من هنا يأتي الوصف الأكثر من تفصيلي بشكل فظيع... شوف بأه يا سيدي إنت تنزل أول نزلة و بعدين تمشي شوية و تخش شمال في يمين في يمين هتلاقي نفسك ماسك الطريق من أوله. شمال و يمين فين؟ ما يقولكش. و إنت طبعا تعمل فاهم و تنزل أول نزلة و تحاول تعمل الشمال في اليمين في اليمين اللي قال عليها الراجل لكن لا تجد هذا الشمال اللي في اليمين. تفكر ... هل تسأل واحد تاني؟ لكن لأ ... تفضل تلف حوالين نفسك و بعد أن تفقد الأمل تضطر تسأل إنسان آخر و تسمع برضه: و إنت إيه بس اللي جابك من هنا
No comments:
Post a Comment